“Qarabağ Gənc Liderlərin İnkişaf Proqramı”na Xoş Gəlmisiniz!
Proqram haqqında
Qarabağ Gənc Liderlərin İnkişaf Proqramı
Qarabağ regionunda həyata keçirilən inkişaf təşəbbüslərinə töhfə vermək, layihə idarəetməsi sahəsində potensiallı gəncləri müəyyən etmək və onların peşəkar inkişafını dəstəkləmək məqsədilə təsis edilmiş qısa müddətli inkişaf və mentorluq proqramıdır.
Proqramın əsas məqsədi iştirakçıların intellektual və peşəkar potensialını inkişaf etdirmək, onları real layihə mühitinə hazırlamaq, müasir layihə idarəetməsi və liderlik yanaşmalarını aşılamaq, eyni zamanda perspektivli gəncləri gələcək inkişaf layihələrində iştirak üçün formalaşdırmaqdır. Proqram çərçivəsində iştirakçılar təcrübəli GPM ekspertləri ilə birbaşa işləmək imkanı əldə edərək layihələrin planlaşdırılması, idarə olunması və tətbiqi üzrə praktiki biliklər qazanacaqlar.
Seçim mərhələsi
Seçim
Namizədlərin təqdim etdikləri motivasiya məktubları əsasında onların düşüncə tərzi, məqsədləri və inkişaf potensialı qiymətləndirilir. Layihə idarəetməsi sahəsinə maraq, Qarabağ regionunun inkişaf prioritetlərinə dair yanaşmalar, analitik düşüncə qabiliyyəti və liderlik potensialı xüsusi meyarlar çərçivəsində nəzərdən keçirilir.
Yalnız yüksək potensial nümayiş etdirən və proqramın məqsədlərinə uyğun gələn namizədlər növbəti mərhələyə vəsiqə qazanacaqlar.
Mentorluq mərhələsi
Mentorluq və İnkişaf
Seçilmiş iştirakçılar Xankəndi şəhərində keçiriləcək proqram çərçivəsində təcrübəli GPM ekspertləri ilə fərdi mentorluq prosesinə cəlb olunacaqlar. İştirakçılar layihə idarəetməsi üzrə müasir yanaşmaları öyrənməklə yanaşı, praktiki tapşırıqlar və real inkişaf ssenariləri üzərində tətbiq edəcəklər.
Layihələrin planlaşdırılması, resursların effektiv idarə olunması, risklərin qiymətləndirilməsi və strateji qərarvermə kimi əsas bacarıqlar inkişaf etdiriləcəkdir.
Final mərhələsi
Yekun Qiymətləndirmə
İştirakçıların mentorluq müddəti ərzində göstərdikləri inkişaf səviyyəsi, aktivliyi və əldə etdikləri bilik və bacarıqlar kompleks şəkildə qiymətləndiriləcəkdir. Liderlik yanaşması, problem həll etmə bacarığı və layihə düşüncə tərzi əsas meyarlar kimi nəzərə alınacaqdır.
Ən yüksək nəticə göstərən iştirakçılar proqramın fərqlənən üzvləri kimi müəyyən ediləcək və gələcək layihələrdə iştirak imkanları ilə dəstəklənəcəklər.
İştirakçılar nə əldə edəcək?
“Qarabağ Gənc Liderlərin İnkişaf Proqramı” – gələcəyin liderlərini bu gündən formalaşdır!
Proqramda iştirak etmək istəyən gənclər açıq elan əsasında motivasiya məktubu təqdim etməklə seçim mərhələsinə müraciət edə bilərlər. Proqram çərçivəsində 20 nəfər gənc iştirakçı seçiləcəkdir.