Gənclərin Dayanıqlı
Layihələrdə rolu
Layihə idarəetməsi sahəsində potensiallı gəncləri müəyyən etmək və onların peşəkar inkişafını dəstəkləmək məqsədilə təsis edilmiş mentorluq proqramı.
Niyə bu proqram?
“Gənclərin Dayanıqlı Layihələrdə rolu” – Qarabağ regionunda həyata keçirilən inkişaf təşəbbüslərinə töhfə vermək, layihə idarəetməsi sahəsində potensiallı gəncləri müəyyən etmək və onların peşəkar inkişafını dəstəkləmək məqsədilə təsis edilmiş qısa müddətli inkişaf və mentorluq proqramıdır.
Proqramın əsas məqsədi iştirakçıların intellektual və peşəkar potensialını inkişaf etdirmək, onları real layihə mühitinə hazırlamaq, müasir layihə idarəetməsi və liderlik yanaşmalarını aşılamaq, eyni zamanda perspektivli gəncləri gələcək inkişaf layihələrində iştirak üçün formalaşdırmaqdır.
Proqram çərçivəsində iştirakçılar təcrübəli GPM (Green Project Management) ekspertləri ilə birbaşa işləmək imkanı əldə edərək layihələrin planlaşdırılması, idarə olunması və tətbiqi üzrə praktiki biliklər qazanacaqlar.
Məqsəd
İntelektual və peşəkar potensialı inkişaf etdirmək, real layihə mühitinə hazırlamaq.
Mentorluq
GPM ekspertləri ilə birbaşa işləmək — planlaşdırma və idarəetmə üzrə praktiki biliklər.
Region Fokus
Qarabağ regionunun inkişaf prioritetlərinə töhfə vermək üçün hazırlanmış proqram.
Gələcək İmkanlar
Perspektivli iştirakçılar üçün gələcək layihələrdə iştirak və kadr ehtiyatı imkanları.
Proqramın mərhələləri
Proqram müasir və interaktiv mentorluq formatında üç ardıcıl mərhələdə həyata keçirilir.
Bu mərhələdə iştirakçıların fərdi potensialı və inkişaf perspektivi təqdim etdikləri motivasiya məktubu əsasında qiymətləndiriləcəkdir. Namizədlərin layihə idarəetməsi sahəsinə marağı, Qarabağ regionunun inkişaf prioritetlərinə dair yanaşmaları, analitik düşüncə qabiliyyəti və liderlik potensialı xüsusi meyarlar çərçivəsində nəzərdən keçiriləcəkdir.
Motivasiya məktublarında iştirakçıların məqsədləri, proqramdan gözləntiləri və regionun inkişafına hansı töhfəni verə biləcəkləri əsas qiymətləndirmə kriteriyaları kimi çıxış edəcəkdir. Yalnız yüksək potensial nümayiş etdirən namizədlər növbəti mərhələyə vəsiqə qazanacaqlar.
Seçilmiş iştirakçılar Xankəndi şəhərində keçiriləcək proqram çərçivəsində təcrübəli GPM ekspertləri ilə fərdi mentorluq prosesinə cəlb olunacaqlar. Bu mərhələdə iştirakçılar layihə idarəetməsi üzrə müasir yanaşmaları öyrənməklə yanaşı, əldə etdikləri bilikləri praktiki tapşırıqlar və real inkişaf ssenariləri üzərində tətbiq edəcəklər.
Mentorluq prosesi çərçivəsində layihələrin planlaşdırılması, resursların effektiv idarə olunması, risklərin qiymətləndirilməsi və strateji qərarvermə kimi əsas bacarıqlar inkişaf etdiriləcəkdir.
Proqramın yekun mərhələsində iştirakçıların mentorluq müddəti ərzində göstərdikləri inkişaf səviyyəsi, aktivliyi və əldə etdikləri bilik və bacarıqlar kompleks şəkildə qiymətləndiriləcəkdir.
Qiymətləndirmə zamanı iştirakçıların liderlik yanaşması, problem həll etmə bacarığı və layihə düşüncə tərzi əsas meyarlar kimi nəzərə alınacaqdır. Ən yüksək nəticə göstərən iştirakçılar proqramın fərqlənən üzvləri kimi müəyyən ediləcək və gələcəkdə Qarabağ regionunda həyata keçiriləcək layihələrdə iştirak imkanları ilə dəstəklənəcəklər.
İştirakçılar nə əldə edəcək?
Proqram iştirakçıları peşəkar inkişaf, praktiki biliklər və gələcək fürsətlər əldə edəcəklər.
Sertifikatlar
Layihə idarəetməsi üzrə beynəlxalq standartlara uyğun sertifikatlar.
Peşəkar Mentorluq
Sahə üzrə təcrübəli GPM ekspertlərindən fərdi mentorluq dəstəyi.
Praktiki Biliklər
Real layihə mühitinə hazırlıq, praktiki tapşırıqlar və tətbiqi bacarıqlar.
Kadr Ehtiyatı
Perspektivli iştirakçılar üçün gələcək layihələrdə iştirak imkanları.
Gələcəyin liderlərini bu gündən formalaşdır!
Proqramda iştirak etmək istəyən gənclər açıq elan əsasında motivasiya məktubu təqdim etməklə seçim mərhələsinə müraciət edə bilərlər.
seçiləcəkdir.